Ndahet nga jeta ish-kryeministri Italian Arnaldo Forlani
Ish-kryeministri Italian Arnaldo Forlani ka ndërruar jetë në moshën 97-vjeçare në shtëpinë e tij në Romë.
Politikani ka mbajtur poste të larta në qeverinë italiane.
Ai ishte një nga protagonistët e fundit të Demokristianëve dhe Republikës së Parë.
Pasi ka qenë bashkëpunëtori kryesor i Amintore Fanfanit për shumë vite në rrymën politike “Nuove Cronache”, ai e braktisi atë në fillim të viteve ’80 dhe u bashkua me Antonio Gava dhe Vincenzo Scotti në “Azione Popolare” (ose “Grande centro”) aktuale, në fund të asaj dekade.
Ai ka qenë kryeministër, ministër i Punëve të Jashtme, Mbrojtjes dhe Pronave Shtetërore.
Ka mbajtur postin sekretar i demokristianëve në katërvjeçarin 1969-1973 dhe më pas në trevjeçarin 1989-1992, thënë ndryshe përgjatë viteve të CAF, akronimi që tregonte trekëndëshin e pushtetit politik të formuar nga Forlani së bashku me Giulio Andreotti dhe Bettino Craxi.
/rtsh.al/