Ndahet nga jeta kongresmeni Donald Payne

Perfaqesuesi Donald Payne ligjvenesi i pare zezak i New Jersey dhe perkrahes i perkushtuar per demokracine ne Afrike vdiq sot pas nje beteje me kancerin e zorres se trashe.

Burimet te aferta me familjen thone se ai vdiq te marten ne nje spital ne New Jersey. Payne kishte njoftuar muajin e kaluar se po trajtohej ndaj kancerit.

Ligjvenesi demokrat mbante vendin e tij ne Kongres qe nga viti 1988 dhe u zgjodh per nje mandat te dymbedhjete ne vitin 2010.

Donald Payne 77 vjec ishte i njohur per punen e tij ne ceshtjet afrikane duke sherbyer si kryetar e me pas si anetar kryesor i  Nenkomisionit te Kongresit per ceshtje te Afrikes.

Ai vizitoi kontinentin afrikan shume here. Gjate nje vizite ne Somali ne prill te vitit 2009 kryengritesit qelluan me predha mortajash ne drejtim te aeroportit ne Mogadishu ndersa aeroplani i tij po ngrihej per fluturim. Payne u largua i sigurt por sulmi me mortaja shkaktoi plagosje te civileve ne aeroport.

Donald Payne kishte qene ne Somali per tu takuar me presidentin dhe kryeministrin per te diskutuar mbi ceshtje te bashkepunimit  te sigurise dhe piraterise ne dete.

Rreth nje muaj me vone Payne udhehoqi nje agjerim per rajonin e Darfurit ne Sudan duke i bere thirrje Kongresit dhe administrates Obama per te shtuar kundershtimin ndaj presidentit sudanez Omar al-Bashir te cilin ai e akuzonte per krimet e papershkrueshme.