Ndërtimet ilegale në bregdet, Kancer agresiv, emergjencë kombëtare
Tiranë- “Ndërtimet abuzive në bregdet një kancer agresiv në veprim! Duhet një operacion i gjërë e i thellë. Policia e Shtetit në krye. Operacioni do jetë gati në shtator e s’do të ndalet deri në vendosjen e sundimit të ligjit mbi territorin. Jemi në emergjencë kombëtare!”, -kështu shkruan sot në rrjetin social Twitter kryeministri i zgjedhur, Edi Rama.
Kur aksioni për prishjen e tyre nisi javë më parë në bregdetin e Vlorës, kryesocialisti u shpreh: Atë që ka nisur në Vlorë, të vazhdojmë në të gjithë vijën bregdetare nga veriu në jug.
Kryeministri i zgjedhur i 23 qershorit më herët ka mbledhur krerët e bashkive të zonave bregdetare dhe deputetët e zgjedhur në këto zona.
Në takime është diskutuar për problemet në këto zona, sfidat me të cilat nesër do të përballet qeveria e ardhshme. Rama u ka kërkuar të pranishmëve parashtrimin e problematikës, teksa theksoi se është një gjendje alarmante e ndërtimeve pa leje në bregdet.
◄ Pas Para ► Foto 1 / 9
