Ndertimi, cmimet 18 here mbi kostot

Kostot e lendeve te para ne sektorin e ndertimit vazhdojne te rriten, por me nje ritem me te ulet se vitin qe shkoi. Sipas institutit te Statistikes, ne tremujorin e dyte te ketij viti kostot ne ndertim u rriten me 1.3 per qind, nje vit treguesi i kostove ishte rritur me 3 per qind. Kriza ne tregjet nderkombetare nuk ka ndikuar shume negativisht ne sektorin e ndertimit, se sa ne sektoret e tjera te ekonomise. Rritjen me te madhe e kane pesuar shpenzime per materiale ndertimi me 1.4 per qind dhe shpenzime per paga prej 0.3 per qind. Por sipas agjencive imobilare cmimet e banesave per 6-mujorin e pare jane rritur gati 20 per qind ne krahasim me nje vit me pare, Keshtu cmimet per te njejten periudhe ne sektorin e ndertimit jane rritur te pakten 18 here me shume se kostot ne kete sektor. Rritja me e shpejte e kerkeses ne krahasim me oferten, ka ushtruar presion ne rritjen e vazhdueshme te cmimeve te banesave dhe ne renien e ritmit te rritjes te shitjeve, ne sektorin e ndertimit. Nga ana tjeter, Banka e Shqiperise sugjeron se, treguesit e drejtperdrejte dhe te terthorte te aktivitetit te prodhimit ne kete sektor, tregojne se ecuria e metejshme kerkon nje vemendje me te madhe, vecanerisht ne orientimin me te mire te burimeve financiare, private apo publike. Per me teper cmimi i apartamentit nuk ndryshon nese apartamenti blihet per here te pare apo rishitet i vjeter dhe cmimet e apartamenteve te rishitura, luhaten ndjeshem nga njera zone ne tjetren. Aktualisht, nje pjese e konsiderueshme e blerjeve per pasuri te patundshme kryhet me financim nga sistemi bankar. Pjesa me e madhe e aktoreve te tregut, jane te mendimit se financimi me kredi bankare ka njohur rritje, gjate vitit te fundit. Kredia e dhene per blerjen e pasurive te patundshme, e akorduar nga sistemi bankar ze 42 per qind te kredise se dhene per individet.

B.Hoxha