Ndihma ekonomike, 2008 perjashtoi 5.700 familje

E ndersa flitet per shtim te numrit te familjeve, te cilat do te trajtohen me ndihme ekonomike, ne krahun tjeter nje sere familjesh abuzuese dalin nga kjo skeme. Keshtu, rreth 5.700 familje ne te gjithe vendin, jane perjashtuar nga skema e ndihmes ekonomike gjate vitit 2008. Kjo, pasi ato e perfitonin nje ndihme te tille ne menyre abuzive, duke i shkaktuar shtetit nje dem prej disa miliona lekesh. Lajmi eshte bere i ditur nga drejtuesit e ndihmes ekonomike ne Sherbimin Social Shteteror. Numri me i madh i abuzuesve, i perket Qarkut te Elbasanit. Nga verifikimet qe jane bere, ka rezultuar se mjaft familje qe perfitonin ndihme ekonomike, kishin parregullsi, madje nje gje e tille ka ndodhur edhe ne dokumentacionin e personave me aftesi te kufizuara. Sikurse behet e ditur, aktualisht, numri aktual i familjeve qe perfitojne ndihmen ekonomike ne te gjithe vendin eshte afro 93 mije. Sa i perket objektivave qe i ka vendosur vetes per vitin 2009, burime nga Sherbimi Social Shteteror, theksojne se do te ushtrojne me me force kontrollet, me qellim shmangien e perfitimeve te padrejta nga skema dhe dhenien e saj, per personat qe vertete kane nevoje. Per te perfituar ndihmen ekonomike, deri me sot kane mjaftuar kritere te tilla si mungesa e te ardhurave, ose te ardhura te pamjaftueshme. Nderkaq, perfitojne edhe jetimet e papune mbi 25 vjec, jetimet e moshes 18-25 vjec, te cilet nuk jane vendosur ne institucionet e sherbimeve shoqerore, ose ne kujdestari si dhe prinderit e femijeve trinjake e me shume, qe i perkasin familjeve ne nevoje.