Berat, nxenesit pa ngrohje ne shkolla e konvikte

Temperaturat teper te uleta te diteve te fundit kane vene ne veshtiresi zhvillimin e mesimit ne shkollat e qytetit te Beratit, nderkohe qe dhe konviktoret jetojne ne dhoma pa ngrohje ne konvikte. Jane duke u perballur me ditet e ftohta te muajit shkurt nxenesit e shkollave te Beratit ambientet e te cilave nuk kane asnje ngrohje dhe sidomos per vogelushit shkuarja ne shkolle eshte nje sfide me te ftohtin. Ditet e fundit te muajit ku nuk kane munguar dhe reshjet e bores dhe temperaturat vazhdojne te jene minimale ne dy konvikte dhe 11 shkolla te arsimit nente vjecar dhe te mesem nuk ka ngrohje. Ankesat vijne te parat nga drejtoret e shkollave te cilet kerkojne kushte ngrohje per stafin e tyre mesimor dhe nxenesit. Burime nga Zyra e Sherbimeve prane Bashkise se qytetit te Beratit bejne me dije se problemi i ngrohjes ne shkolla eshte teper shqetesues per kete qytet. Numerohen 2 konvikte, 14 shkolla dhe 11 kopshte ne kete qytet, nga te cilat ne dy konvikte nuk eshte siguruar fare ngrohje po keshtu dhe ne 11 shkolla nente vjecare e te mesme. Ne pese shkolla nente vjecare sigurimi i ngrohjes me soba eshte e pamundur, pasi gjate punimeve per rikonstruksionet jane prishur sistemet e oxhaqeve, nderkohe qe menyrat e tjera alternative per ngrohje mungojne. Por, dhe ne shkollat e tjera ku jane instaluar sobat ato nuk mund te ndizen, pasi mungon lenda e pare, druri.