Në Bayern ose në Spanjë

Munchen ose Spanjë? Zbulimi i së ardhmes së Franck Ribery po afrohet. Mesfushori i Bayern Munchen, në një intervistë për tabloidin gjerman, Bild, ka sqaruar disa gjëra rreth të ardhmes së tij.

“Ju siguroj se ende nuk kam marrë kurrfarë vendimi, do ta bëj në javët e ardhshme. Nëse vendos që mos ta pranoj ofertën për vazhdimin e kontratës me Bayern, sigurt do të shkoj në Spanjë. Në Munchen ndihem mirë, por gruaja ime ka nevojë për diell”, tha Ribery.

Nëse ndahet nga klubi bavarez, francezi vitin e ardhshëm mund të transferohet te Real Madrid ose te Barcelona.