Ne kerkim te Ilir Kumbaros

Edhe drejtesia shqiptare perfshihet ne procesin e hapur per verifikimin e identitetit te Shaqa Shatrit, i dyshuar si Ilir Kumbaro, nje nga zyrtaret e larte te SHIK-ut, i akuzuar per rrembimin e  trefishte me pasoje zhdukjen e Remzi Hoxhes.

Ne nje kohe kur gjykata londineze do te shqyrtoje serish provat qe do te mblidhen deri ne 26 nentor, policia ka sekuestruar ne banesen e personit qe dyshohet se eshte Ilir Kumbaro nje sere dokumentash mes te cilave edhe nje certifikate me emrin Ervin Kumbaro, ky i fundit djali i Ilir Kumbaros.

Pikerisht ky dokument, por edhe krahasimi i fotografise se gruas se Ilir Kumbaros me femren qe gjendej ne shtepine ku u krye arrestimi, mendohet te verifikohen me tej ne Shqiperi per te zbuluar nese Shaqa Shatri eshte i njejti person me Ilir Kumbaron.

Pavaresisht se ne seancen e pare i arrestuari per llogari te drejtesise shqiptare i tha gjykateses se behet fjale per nje ngaterrim identiteti, pasi ai quhet Shaqa Shatri, lindur me 15 prill 1945 ne Kosove, dokumentet qe iu gjeten ne banese do te verifikohen edhe ne Shqiperi.

Ajo cfare kerkon gjykata londineze eshte edhe verifikimi i familjes se Kumbaros ne Shqiperi, per te mesuar nese Ervin Kumbaro eshte apo jo pjesetar i familjes se tij. Gjithashtu, do te verifikohen edhe informacionet nese ky person ka hyre ne Shqiperi kohet e fundit.

Ne fakt, pales shqiptare i duhet te ktheje pergjigje brenda pak diteve per keto detaje, jo vetem nese Ilir Kumbaro ka hyre ne Shqiperi me kete identitet, por edhe nese shtetasi Shaqa Shatri ka hyre apo jo ne vendin tone, pas informacioneve paraprake se Shatri ka qene ne vendlindjen e Kumbaros dy here.

Do te jene keto te dhena qe do t’i japin rruge procesit gjyqesor per identitetin e te arrestuarit, e qe pas ketij vendimi do te vijne edhe procedurat per ekstradimin.