Nënstacion policor në fshatrat shqiptare në veri
Kërkesa për hapjen e një nënstacioni policor, nga ana e banorëve shqiptarë të fshatrave Bistricë, Cerajë dhe Koshtovë, të cilat i takojnë komunës së Albanikut, më në fund është realizuar.
Banorët thonë se tashmë do të ndihen shumë më të sigurt, për shkak të pranisë së policisë në fshatrat e tyre.
Haki Imeri, përfaqësues i zyrës për komunitete në këto fshatra, thotë se kërkesa për hapjen e një nënstacioni policor në këto fshatra ishte e kamotshme."Kemi pasur disa raste kur në rrugë banorët kanë hasur mjete të kurdisura shpërthyese, prandaj kishim kërkuar hapjen e një nënstacioni policor, në mënyrë që institucionet të merren me këto probleme", është shprehur Imeri.
Sipas tij, prania e policisë në fshatra ka ndikuar pozitivisht në ngritjen e sigurisë dhe në krijimin e një klime të relaksuar.
Lidhur me gjendjen e sigurisë në këto fshatra shprehen të kënaqur edhe policët që shërbejnë në nënstacionin e hapur para disa kohësh në fshatin Bistricë. Beqir Salihu, njëri nga tre pjesëtarët e policisë që shërben në këtë nënstacion policor, thotë se bashkëpunimi me banorë është shumë i mirë.
Në anën tjetër, sipas zyrtarëve të Policisë së Kosovës në Mitrovicë, hapja e nënstacioneve policore ka ndihmuar për rritjen e sigurisë së komuniteteve edhe në fshatin Çabër të Zubin Potokut, si dhe në Suhadoll dhe Frashër të Mitrovicës.
Banorët thonë se tashmë do të ndihen shumë më të sigurt, për shkak të pranisë së policisë në fshatrat e tyre.
Haki Imeri, përfaqësues i zyrës për komunitete në këto fshatra, thotë se kërkesa për hapjen e një nënstacioni policor në këto fshatra ishte e kamotshme."Kemi pasur disa raste kur në rrugë banorët kanë hasur mjete të kurdisura shpërthyese, prandaj kishim kërkuar hapjen e një nënstacioni policor, në mënyrë që institucionet të merren me këto probleme", është shprehur Imeri.
Sipas tij, prania e policisë në fshatra ka ndikuar pozitivisht në ngritjen e sigurisë dhe në krijimin e një klime të relaksuar.
Lidhur me gjendjen e sigurisë në këto fshatra shprehen të kënaqur edhe policët që shërbejnë në nënstacionin e hapur para disa kohësh në fshatin Bistricë. Beqir Salihu, njëri nga tre pjesëtarët e policisë që shërben në këtë nënstacion policor, thotë se bashkëpunimi me banorë është shumë i mirë.
Në anën tjetër, sipas zyrtarëve të Policisë së Kosovës në Mitrovicë, hapja e nënstacioneve policore ka ndihmuar për rritjen e sigurisë së komuniteteve edhe në fshatin Çabër të Zubin Potokut, si dhe në Suhadoll dhe Frashër të Mitrovicës.