Studentet: Juridiku te mos bashkohet me Ekonomikun

Ne sallat dhe auditoret e Juridikut nuk eshte zhvilluar asnje ore mesimi gjate dites se djeshme. Studentet kane bojkotuar mesimin ne shenje proteste ndaj nje vendimi me te cilin ata jane njohur ne mengjes. Sipas ketij vendimi, marre nga Senati i vjeter i Universitetit "Luigj Gurakuqi", Fakulteti Juridik duhet te bashkohet si departament me Ekonomikun. Te revoltuar, ata jane larguar nga auditoret, duke lene mesimin ne shenje proteste. Sipas studenteve, universiteti, shteti ka shkelur me te dyja kembet kontraten e bere nga ata. Ne kontraten e fillimvitit, ne pagesat e studenteve thuhet; Fakulteti Juridik, dega Juridik. Studentet i druhen ne kete menyre pavlefshmerise se diplomave qe do te marrin. Me te revoltuar duket se kane qene studentet e vitit te trete, te cilet me mbarimin e ketij viti iu mbaron edhe perspektiva e shkollimit te metejshem. Studentet kerkuan dje takim me rektorin, por u eshte bere me dije se rektori nuk ka me fuqi ligjore. Pas kesaj, ata i jane drejtuar prefektit te Shkodres, si perfaqesues i qeverise. Nderkaq, nje perfaqesi e tyre i eshte drejtuar dikasterit te Arsimit, me shpresen e nje takimi me kreun e tij, Genc Pollo. Juristet e ardhshem jane te vendosur ne pershkallezimin e protestes deri ne piken ekstreme, duke lene te hapur keshtu edhe mundesine e greves se urise.