Netanyahu: Evakuimi i UNRWA-s u krye sipas ligjit

Kryeministri izraelit Benjamin Netanyahu ka deklaruar se forcat e tij ndërmorën veprime ndaj një objekti të UNRWA-s në Kafr Aqab “në përputhje me direktivën time dhe sipas ligjit që ne kemi miratuar”.

Në një postim në X, Netanyahu shkroi se “në përputhje me direktivën time dhe sipas ligjit që kemi miratuar, sot filloi evakuimi i kompleksit të UNRWA-s në Kafr Aqab, Jeruzalem.”

Zyrtarë izraelitë e kanë akuzuar UNRWA-n se nxit ndjenja anti-izraelite dhe se ka bashkëpunuar me Hamasin në Gaza pas sulmeve të 7 tetorit 2023.

Agjencia e OKB-së i ka mohuar këto akuza.

Në deklaratën e tij, Netanyahu theksoi se Izraeli “nuk do të lejojë që një organizatë, punonjësit e së cilës ishin të përfshirë në terrorizëm dhe në masakrën e 7 tetorit, të operojë në territorin e tij dhe do të veprojë kundër saj me çdo mjet që ka në dispozicion”.

/rtsh.al/