Nga përmbytjet në SHBA, 500 të zhdukur

 Përmbytjet në SHBA, 500 të zhdukur Me përmbytjet masive që kanë goditur shtetin amerikan të Kolorados që prej fillimit të javës, numri i viktimave mund të jetë shumë më i lartë se pesë të konfirmuar.

“CNN” informoi ditën e diel se aktualisht, bilanci i të humburve ka kaluar në mbi 500 persona, transmeton TCH.

Ndonëse autoritetet informojnë se shumë prej të humburve thjesht kanë humbur kontaktet me familjarët, nuk përjashtohet që një pjesë e tyre të jenë mbytur.

Më e keqja është se për momentin nuk parashikohet as ndonjë ndihmë e natyrës, me shërbimet metereologjike që parashikojnë më shumë shi në ditët në vazhdim.

Përmbytjet e deritanishme kanë shkaktuar një dëm prej të paktën 150 milionë dollarësh në zonat e goditura të Kolorados, ndërsa 30 ura janë shkatërruar midis dhjetëra strukturave te dëmtuara./Indeksonline/