Ngaterrohen spirancat, rrezikohen 600 pasagjere

Vlore- Dy prej trageteve te linjes Vlore-Brindisi, "Veronika Lines" dhe "Red Star", per me se dy ore kane rrezikuar te perplasen me njeri-tjetrin ne kalaten e portit gjate dites se djeshme, duke rrezikuar jeten e 600 pasagjereve. Shkak eshte bere moti i keq dhe njekohesisht hedhja e pakujdesshme e spirances. Dy spirancat e majta te trageteve, jane ngaterruar me njera-tjetren dhe per pasoje ata e kishin te pamundur daljen nga kalata. Ne kohen e incidentit tragetet po ngarkonin pasagjer dhe automjete, gje te cilen e nderprene menjehere. Jo te gjithe pasagjeret munden te imbarkohen dhe te mbeturit u vendos te transportohen me nje tjeter mjet lundrues. Kapiteneria e portit dhe autoritetet portale, se bashku me personelin e dy trageteve, u vune ne pune me qellim shkeputjen pa incident. Fundi i tragetit "Red Star", nga lekundjet dhe valezimi i larte i detit u zvarrit pak pas kalates, por pa shkaktuar deme serioze.