Ngel ne qeli, falsifikuesi i pensioneve

TIRANE - Falsifikuesi i dokumenteve te pensioneve, per te cilin policia ka nisur hetimet, do te rrije ne qeli deri ne perfundim te hetimeve qe kane nisur dy jave me pare. Rasim Veizaj, u vu ne pranga pak dite me pare ne Tirane, pasi rezultonte se ishte personi, i cili kishte falsifikuar dokumentet per me shume se 50 persona, qe kane perfituar pensione ne menyre te paligjshme. Dje, Gjykata e Tiranes ka vendosur caktimin e mases se sigurise "arrest me burg" per 55-vjecarin per vepren penale te falsifikimit. Perpara gjyqtares se gatshme Elona Gjoka, Rasim Veizi nuk ka pranuar te flase, nderkohe qe mbrojtja ka kerkuar caktimin nje mase sigurie me te bute. Nderkohe qe prokurori i ka shpjeguar gjykates se 55-vjecari Rasim Veizi ka nxjerre dokumente false per persona te ndryshem. Nepermjet ketyre dokumenteve, keta persona kane siguruar te merrnin pensione ne menyre te padrejte. Sipas prokurorit, ndaj 55-vjecarit ka prova bindese, te cilat tregojne se ky i fundit ka kryer falsifikime te dokumenteve. Pikerisht sipas prokurorit behet fjale per dokumente qe jane gjetur ne banesen e tij tri dite me pare. Pas degjimit te te dyja paleve, gjykata vendosi caktimin mases se sigurise "arrest me burg" per 55-vjecarin nen akuzen e "falsifikimit te dokumenteve".