Ngerci Berisha Pres oferten e opozites per ta shqyrtuar
Kryeministri takon zv.sekretaren e Pergjithshme te KE-se znj. Buquicchio. PS te hartoje amendamentet e kodit ne perputhje me rekomandimet nderkombetare
Mazhoranca mbetet e hapur dhe e perkushtuar per te trajtuar cdo propozim te opozites me seriozitet dhe ne perputhje te plote me Kushtetuten dhe legjislacionin ne fuqi. Kjo eshte pergjigjja qe Kryeministri Sali Berisha i ktheu dje opozites dhe kreut te saj Edi Rama lidhur me oferten e vjeter per zgjidhjen e ngercit politik ne vend. Kryeministri Berisha informoi dje zevendessekretaren e Pergjithshme te Keshillit te Evropes zonjen Maud de Boer Buquicchio per oferten e mazhorances qe opozita te kete te drejten e hartimit te amendamenteve te Kodit Zgjedhor me kushtin e vetem qe ato te jene te certifikuara nga Komisioni i Venecias dhe OSBE/ODIHR-i. Berisha deklaroi se eshte ne pritje te propozimeve konkrete ne rruge institucionale ne lidhje me ceshtjet e ngritura nga opozita. Z. Berisha perseriti qendrimin e tij se kerkesat per hetimin e zgjedhjeve nuk duhet te bien ndesh me Kushtetuten dhe ligjet. I pres ne rruge institucionale te gjitha propozimet e bera nga opozita. Cdo propozim i opozites do te trajtohet me seriozitet ne perputhje me Kushtetuten - ka deklaruar Berisha.
Me tej kreu i qeverise i beri thirrje PS-se qe te hartoje amendamentet e Kodit Zgjedhor ne perputhje me rekomandimet nderkombetare me kushtin e vetem qe ato te jene te certifikuara nga Komisioni i Venecias dhe OSBE/ODIHR-i. Nga ana e saj zonja Maud de Boer Buquicchio e pergezoi Kryeministrin Berisha per arritjen e madhe per Shqiperine dhe shqiptaret liberalizimin e vizave dhe theksoi se ky vendim eshte nje hap i rendesishem drejt integrimit te vendit ne Bashkimin Evropian. Ajo vleresoi reformat dhe masat e ndermarra nga qeveria shqiptare ne luften kunder korrupsionit dhe shprehu gatishmerine dhe mbeshtetjen e Keshillit te Evropes per te bashkepunuar edhe ne te ardhmen me qeverine shqiptare me qellim thellimin e reformave ne kete fushe. Zonja Buquicchio rikonfirmoi vullnetin e Keshillit te Evropes per vazhdimin dhe thellimin e bashkepunimit me qeverine shqiptare me fokus te vecante ne konsolidimin e reformave legjislative ne perputhje me standardet e Keshillit te Evropes ne fushen e drejtesise ne luften kunder korrupsionit dhe ne forcimin e shtetit ligjor. Kryeministri Berisha pasi theksoi reformat dhe masat e ndermarra nga qeveria shqiptare ne luften kunder korrupsionit e falenderoi zonjen Maud de Boer Buquicchio per ndihmen qe Keshilli i Evropes i ka dhene Shqiperise ne vite ne hartimin e legjislacionit dhe ne menyre te posacme per luften ndaj korrupsionit dhe pastrimit te parave dhe ne rritjen e transparences se financimit te partive politike. Kryeministri Berisha e siguroi zonjen Buquicchio se qeveria shqiptare mbetet e vendosur ne luften e saj me vullnet te hekurt dhe tolerance zero kunder krimit te organizuar dhe korrupsionit si interesi me i mire per qytetaret shqiptare. Kryeministri Berisha e njohu zonjen Buquicchio me oferten e fundit bere opozites ne lidhje me te drejten e kesaj te fundit per te propozuar kandidate per Avokatin e Popullit.