Ngjela: S'nderpresim demonstratat Qamil Xhani

Opozita deklaron se nuk do te heqe dore nga protestat. Perfaqesuesi i Opozites se Bashkuar, Spartak Ngjela u shpreh dje se pjesemarrja e qytetareve ne demonstraten e dates 28 janar, tregon se populli kerkon ndryshimin e gjendjes ne vend. "Opozita e Bashkuar mendon dhe njofton qe kjo do jete pjesemarrja me e madhe e protestave paqesore ne Shqiperi, per ndryshimin e nje gjendjeje tiranike, pa institucione, ku kercenohet Presidenti, ku kercenohet prokurori i Pergjithshem, ku vritet populli",-tha dje Ngjela. Ne deklaraten e perfaqesuesit te opozites nuk ka pasur ndonje kerkese konkrete ne lidhje kushtet per mazhorancen. Ai ka theksuar se protestat nuk do te marrin fund, "deri sa te clirohen institucionet nga uzurpimi dhe te fitohet liria e popullit". Nga ana tjeter kreu i Partise Ligj dhe Drejtesi, ka theksuar se demonstrata homazh e dates 28 ishte me masivja. Ai u shpreh se pjesemarrja ne kete demonstrate tregon se vendi ka qytetare normale si ne gjithe vendet evropiane. "Duhet te theksoj se dje eshte deshmuar se shqiptaret jane po kaq te qyteteruar sa popujt e zhvilluar te Perendimit. Ata qe nuk e kane ditur, me lejoni t'ju them se shqiptaret jane si te gjithe ata qe demonstruan dje ne shesh, me perjashtim te nje njeriu qe nuk eshte si ta, ky qe kemi kryeminister. Te gjithe te tjeret jane ashtu sic pate ju dje, prandaj thashe qe Shqiperia ka bere nje hap gjigant drejt Perendimit, se ka izoluar primitivizmin perfundimisht", u shpreh dje Ngjela. Ndryshe nga deklaratat e meparshme, kreu i PLD-se, nuk i meshoi faktit per perdorim dhune apo reagim mbarepopullor ndaj mazhorancs. Ai ka deklaruar vetem se ato do te jene masive. "Protestat kane nje sens, jane masive. Numri eshte ajo qe vendos gjendjen, do jene masive",-tha Ngjela. Ashtu si kreu i PS-se, Edi Rama, Ngjela deklaroi se ne demonstraten homazh ne bulevardin "Deshmoret e Kombit" ishin rreth 200 mije vete, ndersa ka akuzuar dhe kryeministrin Sali Berisha. "Opozita e bashkuar e konsideron diten e djeshme si nje hap normal te shqiptareve drejt lirise, por ama nje hap gjigant te Shqiperise drejt perendimit. Gjithe bota pa 200 mije shqiptare, qe ne fakt ishin 200 mije burra dhe gra shtetit. Por pame dhe nje karrocier, por ishte nje karrocier me karroce pa kale, ky qe eshte kryeminister, qe s'ka lidhje fare me ta",-tha dje Ngjela. Ai u shpreh se opozita i garantoi dje Perendimit se "ne jemi vend perendimor".