Ngrohja ne fakultete eshte luks

Ngrohja per studentet ne keto dite te acarta janari, konsiderohet nje luks. Pavaresisht se te gjitha fakultet kane nje sistem ngrohje me kaldaje, ai nuk funksionon per shkak te kostos te larte. Ne nje vezhgim te bere ne fakultetet e Universitetit te Tiranes, rezultoi se sistemi i ngrohjes nuk vihet ne perdorim edhe atehere kur ekziston. "Ne kemi sistem ngrohjeje por e perdorim vetem me raste, sepse kostoja e perdorimit dhe e mirembajtjes eshte shume e larte", u shpreh per gazeten "Koha Jone" dekani i Fakultetit te Ekonomise, Omer Stringa. Nga ana tjeter ai shtoi se pothuajse te gjitha zyrat jane te pajisura me kondicionere. Ne lidhje me kete ceshtje u prononcua edhe kancelari i Fakultetit te Ekonomise, Ermal Haxhiaj. "Kemi dy lloje sisteme ngrohjesh, me kaldaje dhe me elektricitet. Kaldaja funksionon vetem per objektin trekatesh, ndryshe godina B, ndersa pjesa tjeter ka rezistenca dhe kondicionere. Gjate ketij viti nuk e kemi ndezur asnjehere kaldajen, pasi ka kosto te larte. Por nese temperaturat vazhdojne te ulen, parashikohet qe keto kaldaja te ndizen", pohoi Haxhiaj. Ai vijoi me tej se nje arsye me shume e mosndezjes rregullisht te kaldajave, eshte edhe fakti se shkolla eshte e ngrohte dhe nuk ka pasur ankesa nga studentet.
Ankesat
Pavaresisht faktit qe brenda Fakultetit te Ekonomise ekzistojne te dy llojet e ngrohjes, studente te po ketij fakulteti pohojne se i ftohti eshte nje problem shqetesues per ta, pasi jane te detyruar qe te qendrojne me ore te tera ne salla shume te ftohta. "Nuk di nese ka sistem ngrohjeje ne fakultet. Te pakten edhe nese ka, nuk mbaj mend te jete ndezur ndonjehere. Madje ne godinen B te ketij fakulteti eshte shume ftohte dhe nuk ka ngrohje", tha Jona, studente ne vitin e katert, dega Finance tek Fakulteti i Ekonomise. Edhe studente te tjere te ketij fakulteti pohojne se sistemi i ngrohjes nuk eshte ndezur ndonjehere, pavaresisht se disa salla jane te akullta.
Nderkohe, studente te Fakultetit te Gjuheve te Huaja dhe Histori- Filologjise u shprehen se fakti qe kaldajat nuk ndizen, nuk perben problem. Evi, studente ne vitin e pare dega Histori, ne fakultetin e Histori- Filologjise pohoi se ne ambientet e ketij fakulteti ka sistem ngrohjeje, por gjate ketij dimri nuk eshte ndezur. "Numri i studenteve te cilet bejne mesim ne nje salle eshte relativisht i larte dhe te ftohtit nuk eshte ndier shume, problem kane qene vetem keto ditet e fundit te janarit". Nderkohe qe e vetmja zgjidhe per studentet por edhe pedagoget eshte te pish nje kafe ne oren e pushimit, ku edhe mund te ngrohesh mire.

Drilona Nokshiqi