Arratiset nga burgu grek, kapet ne Delvine
Sarande- Shqiptari i arratisur nga burgu i sigurise se larte ne Athine te Greqise, kapet pas 4 vitesh kerkime ne shtepine e tij, ne Delvine te Sarandes. Burime zyrtare te policise vendore bene me dije dje, se ndaluan te shumekerkuarin nga policia helene, Spiro Gjoka 43 vjec, i denuar me 17 vite burg nga drejtesia e vendit fqinj per akuzen e "trafikut nderkombetar te lendeve narkotike". Kane qene agjentet e policise kriminale qe ne baze te informacioneve operative siguruan te dhena se Gjoka, i kerkuar prej vitit 2006, fshihej ne Shqiperi dhe pikerisht ne shtepine e tij ne Delvine. Policia greke, kishte derguar dosjen perkatese per shqiptarin. Megjithese ishte ndjekur nga qindra agjente te policise helene pas arratisjes, 43-vjecari kishte mundur te kalonte kufirin dhe rikthehej ne vendlindje. Burimet e policise sqarojne se ka qene i arrestuar nga policia greke ne vitin 2000 dhe ishte i denuar me 17 vjet heqje lirie. Por pas 6 vitesh qendrimi ne qeli, Gjoka ka mundur te arratiset dhe prej kater vitesh strehohej ne Delvine. Vetem pas kerkeses se drejtesise helene u be i mundur arrestimi i 43-vjecarit qe do te rikthehet ne Greqi per te vuajtur edhe 11 vite burg te mbetura dhe qe mund te rrezikoje te tjere per arratisjen.
B. Bejko