Nikolic: Do t’i sqarojmë marrëveshjet!

Presidenti i Serbisë, Tomislav Nikolic, tha se qytetarët e Serbisë në ditët në vazhdim do ta kuptojnë se çka është marrë vesh shteti serb me Prishtinën.

Sipas tij, të gjithë në Këshillin për Sigurinë Kombëtare janë unanim se çka duhet për bërë Kosovën, pa marrë parasysh spekulimet dhe incidentet e fundit.

Nikolic thotë se është i gatshëm të bisedojë me kryetarin ilegal të komunës së Zveçanit, i cili e ka ftuar, por sipas tij “kjo varet nga një numër i institucioneve në Serbi”.

"Ne kemi rënë dakord tashmë që të kuptojmë se për çka është marrë vesh Serbia me institucionet e Prishtinës dhe në çka, sipas këtyre marrëveshjeve, institucionet e Prishtinës kanë të drejtë e në çka mendojnë se kanë të drejtë. Do ta keni një qëndrim të qartë të Këshillit, për herë të parë qëkur ekziston. Qytetarët e Serbisë, e sidomos ata në Kosovë, do ta dinë se çka i pret dhe pas cilave vendime qëndron shteti i tyre”.