Nikoliç: “Personalisht do të angazhohem për dënimin e fajtorëve që vranë policin e “EULEX-it”

BEOGRAD- Presidenti i Serbisë, Tomisllav Nikoliç i ka dërguar sot ngushëllime familjes dhe miqve të pjesëtarit të vrarë të EULEX-it nga Lituania dhe ka theksuar se dhuna ndaj pjesëtarëve të forcave ndërkombëtare është absolutisht e papranueshme.

Ai ka theksuar se personalisht do të angazhohet që fajtorët të zbulohen dhe të dënohen. 

Ai ka vlerësuar se ky akt paraqet rrezik në përpjekjet për stabilizimin e situatës në Kosovë, njoftoi shërbimi për shtyp i presidentit serb. 

(m.s/KOHA/BalkanWeb)