Nis aventuren ne Top Channel "Ti Vlen"

Nje program i ri zbavites ne ekranin e Top Channel. "Ti Vlen! Nga kjo e premte ne oren 20.45, per 13 jave rresht, te gjithe ata qe mendojne se kane talent ne cfaredolloj fushe, do te ngjiten ne skenen ku per te performuar, nuk eshte e nevojshme te jesh artist.

Cdo jave, do te interpretojne nga 20 konkurente. ne naten finale do te shkojne 8 prej tyre, pas kalimit te fazave eliminatore, te cilat do te gjykohen nga nje juri, sa profesioniste aq dhe zbavitese, por edhe nga publiku me ane te mesazheve telefonike.

Fituesi do te marre 20 mije euro. Ate do ta percaktoje vetem publiku. Por perpos cmimit, rendesia qendron ne deshmine e vlerave te konkurrenteve dhe zbavitjes. Pas suksesit ne Spanje, autorja e “ Ti Vlen “, qe aktualisht po punon edhe per formatin shqiptar, foli per kete program.

"Ne Spanje aktualisht po drejtoj programe televizive dhe reality show si Operacion Triumfi, por i preferuari im mbetet “ Ti Vlen “, te cilin po e drejtoj edhe ketu. Ne Spanje ky program shfaqet prej vitesh dhe ka bere buje. Njerezit jane afeksionuar shume me te dhe shprehjen “ Ti Vlen “ e kane kthyer si batute ne zhargonin e perditshem. Ky format eshte krijuar ne Spanje. Me pas Endemol bleu te drejtat e tij, te cilat tani i ka blere edhe Shqiperia. Atje eshte nje sukses i vertete. Kam bindjen qe do te jete edhe ketu, pasi konkurentet jane vertete interesante", thote Ainhoa Casado, drejtoreshe e Endemol per “ Ti vlen".
 
Pertej zbavitjes, ky program premton nje mundesi per te gjithe ata qe e deshirojne.

Per te gjithe ata qe mendojne se vlejne, ne cfaredolloj fushe, formularet mund t’i gjejne prane te gjitha pikave te Western Union dhe Union Net ne shqiperi, Kosove dhe Maqedoni.