Nishani: Angazhim maksimal për reformën në drejtësi
“Rruga jonë për intregimin e vendit drejt Bashkimit Europian nuk është e lehtë, por ne do marrim përgjegjësitë tona dhe objektivat ambicioze që kemi përpara do t’i realizojmë dhe në sajë të partnershipit me Komisionin Europian”, u shpreh Ministri i Drejtësisë, Bujar Nishani, gjatë një takimi me Drejtorin për Ballkanin Perëndimor në Drejtorinë e Përgjithshme të Zgjerimit në Komisionin Evropian, Pierre Mirel dhe ambasadorin e KE, Helmut Lohan.
Gjatë fjalës së tij, ministri Nishani vlerësoi mbështetjen që Bashkimi Europian i ka dhënë vendit si në asistencën ligjore ashtu edhe në investimet e realizuara për ngritjen e infrastrukturës moderne në sistemin e gjykatave dhe në sistemin e institucioneve të vuajtjes së dënimit.
Ministri Nishani informoi bashkëbiseduesit mbi iniciativat e ndërmarra për reformën në drejtësi, duke theksuar se “kemi filluar punën për ristrukturimin e grupit të punës me qëllim draftimin e Strategjisë për Reformën në Drejtësi, e cila mendohet të kalojë në një proces të gjerë konsultimi për identifikimin e nevojave dhe prioriteteve, ku do të marrin pjesë me qëllim ofrimin e asistencës edhe misionet e huaja që ndihmojnë Ministrinë e Drejtësisë si, EURALIUS".
Nishani informoi edhe mbi nismat ligjore, duke veçuar legjislacionin për organizimin dhe funksionimin e pushtetit gjyqësor, shërbimin përmbarimor privat dhe për shërbimin e provës, projektligjin “Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurive”, si dhe atë për "Marrëdhëniet juridiksionale me autoritetet e huaja në çështjet penale”.
Gjithashtu, kreu i drejtësisë, deklaroi si prioritet përmirësimin e infrastrukturës në sistemin gjyqësor si dhe reformën për të drejtën e pronës. Ndërsa Drejtori për Ballkanin Perëndimor në Drejtorinë e Përgjithshme të Zgjerimit në Komisionin Evropian, Pierre Mirel, pasi uroi ministrin për miratimin e kërkesës së Shqipërisë për statusin e kandidatit si vend anëtar, deklaroi se marrëdhënia e Shqipërisë me BE-në ka hyrë në një fazë krejtësisht të re. "Shqipëria ka hyrë në një proces qëllimi i të cilit është anëtarësimi në BE, ndaj edhe reforma në drejtësi është një kriter shumë i rëndësishëm në këtë proces.
Ai vlerësoi hapat e ndërmarra deri tani nga Ministria e Drejtësisë në miratimin e ligjeve si dhe vlerësoi si shumë të rëndësishme hapat e mëtejshëm që do të hidhen në Strategjinë e reformës në Drejtësisë, si dhe shprehu shpresën që opozita të kthehet në parlament për të debatuar dhe miratuar ligje shumë të rëndësishme për vendin.
Gjatë fjalës së tij, ministri Nishani vlerësoi mbështetjen që Bashkimi Europian i ka dhënë vendit si në asistencën ligjore ashtu edhe në investimet e realizuara për ngritjen e infrastrukturës moderne në sistemin e gjykatave dhe në sistemin e institucioneve të vuajtjes së dënimit.
Ministri Nishani informoi bashkëbiseduesit mbi iniciativat e ndërmarra për reformën në drejtësi, duke theksuar se “kemi filluar punën për ristrukturimin e grupit të punës me qëllim draftimin e Strategjisë për Reformën në Drejtësi, e cila mendohet të kalojë në një proces të gjerë konsultimi për identifikimin e nevojave dhe prioriteteve, ku do të marrin pjesë me qëllim ofrimin e asistencës edhe misionet e huaja që ndihmojnë Ministrinë e Drejtësisë si, EURALIUS".
Nishani informoi edhe mbi nismat ligjore, duke veçuar legjislacionin për organizimin dhe funksionimin e pushtetit gjyqësor, shërbimin përmbarimor privat dhe për shërbimin e provës, projektligjin “Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurive”, si dhe atë për "Marrëdhëniet juridiksionale me autoritetet e huaja në çështjet penale”.
Gjithashtu, kreu i drejtësisë, deklaroi si prioritet përmirësimin e infrastrukturës në sistemin gjyqësor si dhe reformën për të drejtën e pronës. Ndërsa Drejtori për Ballkanin Perëndimor në Drejtorinë e Përgjithshme të Zgjerimit në Komisionin Evropian, Pierre Mirel, pasi uroi ministrin për miratimin e kërkesës së Shqipërisë për statusin e kandidatit si vend anëtar, deklaroi se marrëdhënia e Shqipërisë me BE-në ka hyrë në një fazë krejtësisht të re. "Shqipëria ka hyrë në një proces qëllimi i të cilit është anëtarësimi në BE, ndaj edhe reforma në drejtësi është një kriter shumë i rëndësishëm në këtë proces.
Ai vlerësoi hapat e ndërmarra deri tani nga Ministria e Drejtësisë në miratimin e ligjeve si dhe vlerësoi si shumë të rëndësishme hapat e mëtejshëm që do të hidhen në Strategjinë e reformës në Drejtësisë, si dhe shprehu shpresën që opozita të kthehet në parlament për të debatuar dhe miratuar ligje shumë të rëndësishme për vendin.