Nishani-Brace, debat per kartat e identitetit

Ministri i Brendshem, Bujar Nishani siguroi dje se, procesi i pajisjes me karta identiteti per qytetaret, po ecen normalisht. "Deri ne 7 mars, kane aplikuar per t'u pajisur me dokumentet e reja te identitetit, rreth 200 mije shtetas. Kjo tregon se procesi po ecen sipas standardeve te kerkuara dhe normalisht", sqaroi ne seancen e pasdites se djeshme, ministri. Por per opoziten, ky proces nuk eshte aspak i mire, c'ka sipas tyre, e verteton dhe thirrja e kreut te shtetit per qytetaret qe te marrin kartat. "Dhe Presidenti beri thirrje per kartat e identitetit. Procesi juaj eshte i deshtuar, dhe po e tregon cdo dite", kritikoi, nenkryetari i grupit socialist, Erion Brace. Sipas tij, ndonese u ra dakord qe fillimisht te behej procesi i verifikimit, per te gjithe qytetaret qe jane pa pasaporta, te pajisen te paret me karta, ky proces eshte bere i pasakte. Brace u shpreh se ne shume qytete, numri i atyre personave qe nuk kane pasaporta eshte shume here me i larte se shifrat qe bejne publike gjendjet civile. "Kompania nuk ka kapacitet per te perballuar fluksin e pajisjes se qytetareve me karta identiteti. E drejta e votes, qe eshte jetike dhe Kushtetuese, po cenohet qellimisht", akuzoi Brace.