Nishani emeron Visho Liken ne krye te SHISH Eva Gjura

Presidenti Bujar Nishani, ka firmosur dje dekretin e pare per shkarkimin nga detyra, te drejtorit te Sherbimit Informativ Shteteror, z. Bahri Shaqiri, dhe emerimin ne kete detyre te zotit Visho Ajazi Lika. Sipas njoftimit te bere publik nga zyra e shtypit e presidentit, mesohet se vendimi per dekretin eshte mbeshtetur ne nenin 92, germa "f", dhe nenin 93 te Kushtetutes si dhe nenin 5, paragrafit 2 te Ligjit nr. 8391, date 28.10.1998, "Per Sherbimin Informativ Kombetar". Me propozim te kryeministrit te vendit, kreu i shtetit ka firmosur dje dekretin, duke bere keshtu zevendesimin e pare pas zgjedhjes ne krye te presidences. Visho Lika ka sherbyer me heret si diplomat, dhe detyra me e fundit qe ai ka mbajtur ka qene ajo e zevendesministrit te Inovacionit te Shtetit. Nderkohe, paraardhesi i tij, Bahri Shaqiri, e ka mbajtur postin e drejtorit te SHISH-it per gati tete vite. Shaqiri punonte ne SHISH qe prej vitit 2002, kur u emerua shef kabineti i drejtorit te atehershem te ketij institucioni, Kujtim Hysenaj, dhe prej 2005-es ai u dekretua nga presidenti i atehershem, Alfred Moisiu, ne postin e drejtorit te SHISH-it. Gjate ushtrimit te detyres se tij ne krye te SHISH-it, nuk kane munguar kritikat dhe verejtjet per punen e tij, duke u evidentuar mangesi ne organizimin dhe marrjen e informacionit ne kohe reale, per ngjarje te renda qe kane ndodhur ne vendin tone. Kritika per menyren e punes se Shaqirit, ka pasur pas ngjarjeve te dhunshme te 21 janarit, ku nje turme njerezish, me ne krye deputet dhe drejtues te PS-se, sulmuan ne menyre te dhunshme institucionin e kryeministrise. Shaqiri dhe strukturat e tij deklaruan se nuk kishin pasur informacionin e nevojshem per te parandaluar situata te tilla. Dekreti per shkarkimin e drejtorit te SHISH-it eshte dekreti i trete i rendesishem, qe Nishani ka firmosur pas zgjedhjes se tij ne krye te institucionit me te larte te vendit, ate te Presidentit te Republikes. Dy dekretet e para, ishin, ai per ligjin e akcizes dhe ligji per procedurat tatimore. Megjithese eshte kohe pushimesh, per shkak te stines dhe muajit ne te cilen ndodhemi, Presidenti Nishani duket se ka vendosur te mos nderprese aktivitetin e tij, duke ushtruar detyren dhe duke firmosur dekrete te rendesishme. Pas zgjedhjes se bashkepunetoreve dhe stafit te tij, tashem puna per Presidentin Nishani ka nisur normalisht, duke u pasuar me marrjen e vendimeve te rendesishme. Se cili do te jete dekreti i radhes, qe kreu i shtetit do te firmose, kjo mbetet per t'u pare ne ditet ne vijim.

Kush eshte Visho Lika

Visho Ajazi Lika eshte diplomuar ne Universitetin e Tiranes, Fakulteti i Shkencave te Natyres, dega matematike (1976-1981).

Ne vitin 1991 ai mbrojti doktoraturen (PhD) ne shkenca kompjuterike dhe ne periudhen mars-korrik 1993 dhe nje studim post doktorature ne Universitetin Politeknik te Barcelones.

Nderkohe qe ne periudhen maj 1993- qershor 1997, mbante postin e diplomatit dhe te drejtorit ne ministrine e Jashtme.

Lika ka mbajtur para vitit '97 edhe postin e zevendesdrejtorit te Sherbimit te Jashtem, ne Sherbimin Informativ Kombetar

Qe nga dhjetori i vitit 2009 deri me tani ai mbante detyren e zevendesministrit ne ministrine e Inovacionit, Teknologjine e Informacionit e te Komunikimit, e drejtuar nga Genc Pollo.

Dje presidenti Nishani e emeroi ne postin e kreut te Sherbimit Informativ Kombetar.