Nishani kalon në Kuvend, betohet dhe te Topi Rozeta Rapushi
Bujar Nishani nisi zyrtarisht dje detyren si minister i Brendshem. Kuvendi, i mbledhur dje ne nje orar te pazakonshem ne oren 14:00 te dites, miratoi me 73 vota pro dhe nje vote kunder, dekretin e Presidentit Bamir Topi per emerimin e Bujar Nishanit si Minister i Brendshem, dhe shkarkimin e tij nga posti i ministrit te Drejtesise. Ndryshe nga bojkoti i zakonshem i opozites, nje prej deputeteve te selise roze, qendroi dje ne sallen e seancave plenare dhe madje votoi, ndonese kunder dekretit te Presidentit Topi per Nishanin. Andis Harasani, pas largimit te socialisteve, ishte i vetmi qe ne tabelen elektronike beri qe te dale nje vote kunder te gjitha dekreteve te miratuara. Bojkot ndaj qendrimit socialist apo jo, Harasani mori pjese ne votimin e realizuar dje dhe kjo nuk eshte hera e pare, qe disa deputete te opozites, te shkeputen nga grupi, per te qendruar ne votim, duke ushtruar te drejten e votes. Dhe kjo nuk ka qene hera e pare kur deputete socialiste kane qendruar ne sallen e Kuvendit per te hedhur voten kunder projektligjeve apo dhe buxhetit te shtetit te paraqitur nga ana e qeverise, pavaresisht se vendimi i Grupit parlamentar te PS ka qene per te bojkotuar votimin. Pas ketij votimi ne Kuvend, Bujar Nishani zevendeson ne postin e ministrit te Brendshem, Lulezim Bashen, i cili dha doreheqjen per te kandiduar per postin e kryetarit te bashkise se Tiranes ne emer te koalicionit "Aleanca per Qytetarin". Nishani nuk e ka per here te pare nje post te tille, pasi ai e mbajti per dy vite rresht ne mandatin e pare te qeverise Berisha, deri ne zhvillimin e zgjedhjeve parlamentare te vitit 2009, ku Nishani u emerua si Minister i Drejtesise. Menjehere pas votimit ne seance plenare, Ministri qe sapo mori besimin e Kuvendit, Nishani beri edhe betimin ne Presidence, sic e kerkon edhe procedura. Ne pranine e Presidentit te Republikes, Bamir Topi, sekretarit te Pergjithshem te Institucionit te Presidences, Aleksander Flloko dhe anetareve te tjere te Kabinetit te Presidentit, u zhvillua dje pasdite ne Presidence ceremonia e betimit te Ministrit te ri te Brendshem, Bujar Nishani. Pas ekzekutimit te himnit kombetar dhe leximit te dekretit perkates te emerimit, Bujar Nishani beri betimin perpara Presidentit te Republikes, i cili, pasi i dorezoi dekretin e emerimit, i uroi ministrit te ri te Brendshem, Bujar Nishani, suksese ne detyren e larte dhe te rendesishme. Tashme, mbetet qe te behen edhe dy propozimet e tjera per te plotesuar vendet vakante te mbetura ne qeveri. Nje eshte posti i ministrit te Drejtesise, i mbetur bosh pas largimit te Bujar Nishanit dhe i dyti eshte posti i ministrit te Kultures, pas doreheqjes se bere nga Ferdinand Xhaferraj, i cili kandidon per postin e kryetarit te bashkise se Durresit.