Nisin përgatitjet për Kongresin, PS mbledh me 6 prill Asamblenë Kombëtare
Socialistët përgatiten që të thërrasin Kongresin, me qëllim miratimin e ndryshimeve të reja në statutin e partisë. Por, paraprakisht, kryesia e PS ka vendosur që me dt. 6 prill të thërrasë Asamblenë Kombëtare, në të cilën do të bëhen prezent ndryshimet statutore, të cilat më pas do ti kalojnë për miratim Kongresit, i cili do të mblidhet me 9 prill.
Mbledhja e Asamblesë Kombëtare të PS do të bëhet online. PS ka bërë publike edhe rendin e ditës së këtij aktiviteti.
Rendi i ditës së mbledhjes do të jetë:
- Miratimi i vendimit për thirrjen e Kongresit të Partisë, ditën e Shtunë, datë 09.04.2022, ora 11.oo, në Pallatin e Kongreseve në Tiranë.
- Diskutimi dhe miratimi i Agjendës së punimeve të Kongresit.
- Miratimi i rendit të ditës së punimeve të Kongresit.
- Prezantimi i Statutit të ri të partisë që do ti paraqitet Kongresit për votim e miratim.
- Ditën e hënë, datë 04.04.2022, do ju dërgohen materialet përkatëse të mbledhjes, ndërsa ditën e mërkurë në mëngjes do ju dërgohet linku përkatës për lidhjen online.