Nisma, subjektet private ne regjister te ndotjes

Te gjitha subjektet private, qe ushtrojne biznes ne Shqiperi, do te vleresohen sipas performances mjedisore. Projekti me i ri i Ministrise se Mjedisit, ka per qellim kategorizimin e ketyre subjekteve, ne menyre qe te merren masa qe arrijne nga perjashtimi i tyre nga tenderet deri ne gjobe dhe heqje te licences. Sipas kesaj nisme, do te percaktohen subjektet e listes se zeze dhe listes se gjelber te mjedisit. Ministri i Mjedisit, Lufter Xhuveli, beri te ditur dje se lista e zeze ka te beje me ato subjekte qe nuk respektojne rregullat mjedisore dhe kriteret qe jane vendosur ne lejet mjedisore apo veprojne pa marre nje leje te tille. “Kjo liste do t’u shperndahet te gjitha institucioneve te cilet kryejne prokurime publike, te cilet kryejne tendere. Nese keto subjekte jane konkurruese ne tendere te mos perfshihen ose t’u ulen piket”, deklaroi ai. Sipas parashikimeve te kesaj ministrie, keto masa pritet te japin efekte direkt per permiresimin e punes se ketyre bizneseve ne raport me mjedisin. Nga ana tjeter, te gjitha ato subjekte qe jane renditur ne listen e gjelber te kene perparesi. Keshtu, per keto kompani do te jepen bonuse dhe do te gjenden rruge per t’i mbeshtetur ne aktivitetin e tyre. Nderkohe, me ne fund ka gjetur zgjidhje, sipas kerkesave te vete peshkatareve, ceshtja e cmimit te karburantit. Tashme eshte miratuar ne parlament dhe pritet firma e Presidentit qe te dekretohet ligji. Sipas tij, karburanti per anijet e peshkimit do te merret ne magazinat doganore me cmimin qe eshte blere jashte, pra pa akcize dhe TVSH do te njihet mbi bazen e faturave tatimore. Kjo sipas ministrit, i ka bere peshkataret shqiptare qe te jene te barabarte me koleget e tyre ne vendet perreth. “Nje tjeter pike qe do te theksoja eshte hovi i madh qe ka bere akua-kultura, zhvillimi ne ujerat detare, por edhe ato te brendshme. Shqiperia po ecen me shpejtesi dhe po konkurron vendet fqinje ne prodhimin e peshkut dhe ne prodhimet e tjera ne bazen e akua-kultures”, theksoi Xhuveli. Nga ana tjeter, po ne kuader te reformave, per sa i perket sektorit te peshkimit, ne portet dhe ne liqenet kryesore jane krijuar organizata te menaxhimit te peshkimit. Pra, liqeni i Shkodres apo Ohrit nuk administrohet nga ministria, por perdoruesit, peshkataret jane perfshire ne nje organizate qe quhet “Per organizimin e peshkimit”.