Tatimoret ne aksion, 260 kontrolle per te pasiguruarit
Inspektoret tatimore ushtruan rreth 260 kontrolle tatimore ne rrethet kryesore te vendit me qellimin kryesor evidentimin e punonjesve pa sigurime shoqerore. Burimet zyrtare ne tatime ne 100-ditshin e pare te korrikut kane ushtruar kontroll ne rrethin e Tiranes, Lushnjes, Fierit, Elbasanit, Vlores, Durresit, Kavajes, duke verifikuar subjektet per regjistrimin e tyre ne organin tatimor dhe deklarimin e punonjesve per sigurime shoqerore. Gjithashtu, jane ushtruar kontrolle ne transport per regjistrimin ne organin tatimor dhe levizjen e dokumentuar te mallrave, ne akset rrugore hyrese te qytetit te Tiranes. Keshtu jane vendosur gjithsej 15 gjoba per TVSH dhe 7 gjoba me vlere 620000 leke per mos regjistrim te punonjesve ne sigurimet shoqerore. Gjate kontrolleve ne transport per levizjen e dokumentuar te mallrave jane konfiskuar: Cigare, pije alkoolike, lengje te ndryshme, paketa cigare, mallra ushqimore, celulare. Jane kryer 11 konfiskime, nga te cilat ne mase te madhe kane qene lengjet e ndryshme. Gjithashtu dje, ligji i ri i procedurave eshte diskutuar ndermjet drejtuesve te Drejtorise se Pergjithshme te Tatimeve dhe administratoreve dhe ekonomisteve te mjaft firmave dhe kompanive te prodhimit te veshjeve ne qytetin bregdetar te Durresit. Drejtori i Drejtorise se Sherbimeve dhe Regjistrimeve ne DPT, Erion Prifti, tha se ky ligj ka hyre ne fuqi ne qershor te ketij viti dhe brenda muajit korrik do te paraqitet rregullorja, qe lehteson zbatimin e tij. Sipas Priftit, ligji per procedurat tatimore eshte ndertuar mbi pervojen me te mire te SHBA dhe vendeve te BE dhe ne paragrafet e tij theksi vihet ne te drejtat e tatim-paguesve. "Njohja e ketij ligji, ne kapitullin e katert te te cilit jane percaktuar 8 te drejta themelore te kategorise se tatim-paguesve, do te mundesoje zbatimin e shpejte te tij", tha Prifti. Gjithcka do te kryhet ne rruge elektronike dhe kontaktet e biznesit me zyrat e tatim-taksave do te reduktohen ndjeshem. Tatim-paguesit do te harxhojne me pak kohe dhe marredheniet e tyre me deget e tatimeve do te realizohen ne rruge elektronike. Drejtuesit dhe ekonomistet e firmave dhe kompanive te konfeksioneve bene pyetje mbi ligjin dhe anet praktike te zbatimit te tij. Ky takim eshte organizuar me nismen e Dhomes Kombetare te Prodhuesve te Veshjeve, me qender ne Tirane. Ne rrethin e Durresit funksionojne 70 firma te tilla, ndersa ne kryeqytet mbi 160, pjesa me e madhe e te cilave me investitore te huaj. Ne kete sektor te rendesishem jane punesuar ne menyre te drejtperdrejte ose jo te drejtperdrejte (si punonjes me porosi ne banesa) rreth 166 mije vete ne te gjithe vendin.