"Nje vend anetar s'lejohet te prishe zgjedhjet e lira"

Kryetarja e grupit parlamentar socialist, Valentina Leskaj tha dje nga Strarburgu, se procesi i pajisjes me karta identiteti te zgjedhesve, mund te hedhe ne ere zgjedhjet. Sipas saj, nje vendi tashme anetar ne NATO, nuk i lejohet te zhvilloje zgjedhje jo te lira e te ndershme. Duke ngritur lart kontributin e opozites ne anetaresimin e Shqiperise ne NATO, Leskaj renditi ceshtjet per te cilat e majta ka ndikuar ne kete proces. "Opozita ka dhene nje kontribut te madh ne kete proces. Madje dua te kujtoj, kerkesen qe kryetari socialist, Edi Rama i beri Partise Demokratike per bashkepunim ne pese reforma dhe u refuzua. U pranuan vetem konsensusi per reformen ne drejtesi dhe ate zgjedhore", theksoi Leskaj. Kryetarja e grupit socialist, permendi dhe nismen e Rames ne letren e derguar sekretarit te Pergjithshem te NATO-s, Shefer per procesin e anetaresimit. "Ne kemi qene nje opozite ofruese dhe bashkepunuese. Ne e beme detyren tone si opozite, dhame konsensus per reformat zgjedhore dhe ate ne drejtesi. Tashme eshte pergjegjesia e qeverise per te realizuar zgjedhje te lira dhe te ndershme", vijoi Leskaj. Sipas saj, cdo pergjegjesi per zgjedhjet, tashme i takon qeverise. Leskaj theksoi se festa e anetaresimit ne NATO per Shqiperine perfundoi. Tashme sipas saj, mbeten vetem pergjegjesite e reja qe i dalin vendit tone si anetare e Aleances se Atlantikut te Veriut.