"Njesite vendore, prokurim elektronik, ose s'ka fonde"

Kryeministri Berisha kerkoi dje qe Ministria e Financave te monitoroje ne menyre te kujdesshme, menyren se si do te procedohet me prokurimin elektronik, ne Njesite vendore, ne te gjitha rrethet e vendit. Ai tha se qeveria i jep kesaj ministrie te drejten e rialokimeve dhe te heqjes se fondeve, sepse nuk mund te pritet pa shkak, duke deshtuar sepse nuk behet procesi i prokurimit elektronik. "Vihen re disa tendenca ne qeverite vendore qe hezitojne per te proceduar me kete menyre elektronike. Dua t'ju bej te qarte qeveritareve vendore te Shqiperise se, ne menyre absolute, nuk do te mund te kete asnje lloj prokurimi tjeter, pervec atyre elektronike", u shpreh ai. "Ministria e Financave duhet t'i ndjeke hezituesit dhe te plogeshtit dhe te zbardhe listen, duke argumentuar heqjen e fondeve, p.sh; fondet u hoqen sepse autoritetet pergjegjese po "flene" mbi to. Arsyeja se perse "po flene" mbi to, sigurisht eshte shume e thjeshte, sepse ai qe "fle" mbi fonde mendon se do t'i fuse ato ne xhepa. Por kjo nuk mund te ndodhe", deklaroi kryeministri Berisha, duke shtuar se duhet kontroll i rrepte, ne lidhje me keto procedura te rendesishme, per zhdukjen e korrupsionit.