Norvegjia në grevë pas 30 viteve

Me dhjetëra mijëra punonjës të sektorit publik shpallën një grevë në Norvegji pas mosmarrëveshjeve me qeverinë për pagat e tyre.

Greva e së enjtes përbën lajm mbi të gjitha për faktin se punëtorët e Norvegjisë, një prej vendeve me standardin më të lartë të jetesës në botë, nuk protestonin që prej vitit 1984.

Përveç punonjësve të transportit, mësuesit, edukatorët dhe gardianët e burgjeve gjithashtu iu bashkuan grevës, duke sjellë çrregullime të mëdha në vend.

Greva u realizua në qytetet kryesore norvegjeze, si Tromso, Bergen, Trondheim dhe në kryeqytetin Oslo.

Sindikatat pretendojnë një rritje page prej 4%, duke theksuar se shteti po mbetet pas në rroga krahasuar me sektorin privat.

Gjithashtu, ata kërkojnë përmirësimin e kushteve të punës.