Rusi, lirohen udhëheqësit opozitarë

Pas 15 ditë burgimi janë liruar dy udhëheqësit e protestave kundër presidentit të ri të Rusisë, Vladimir Putin. Bëhet fjalë për blogerin e popullarizuar anti-Putin, Alexei Navalni dhe shefin e Frontit të së Majtës, Serghei Udaltsov.

Këta të dy ishin arrestuar më 8 maj pasi nuk iu bindën forcave të policisë. Më herët, Amnesty International i kishte cilësuar ata si të burgosur të ndërgjegjes. Gjatë burgimit, Udaltsov kishte nisur një grevë urie dhe ishte shtruar në spital.
 

Putin, i cili u betua si kryetar shteti më herët gjatë muajit, është përballur me protesta të shumta të popullsisë kundër lidershipit të tij, që nisën që para zhvillimit të zgjedhjeve.