Nuk e do me jeten, i del para trenit
ELBASAN - Depresioni per shkak te veshtiresive ekonomike familjare, shtyu dje nje grua qe t'i jepte fund jetes, duke u hedhur perpara lokomotives se trenit. 38-vjecarja Zylfie Buziu, nga qyteti i Elbasanit, kreu aktin vetevrases prane vendit te quajtur "Unaza jugore" e Elbasanit, ndaj tani po lufton me jeten ne repartin kirurgjikal te spitalit te ketij qytetit. Mesa duket, gruaja ka pritur pergjate segmentit hekurudhor, derisa te shfaqej treni i pasdites, rreth ores 16:30 dhe me pas eshte versulur ne drejtim te tij. Edhe pse makinisti beri c'ka mundi per te frenuar trenin, ai e pa me syte e tij trupin e gruas te perfshihej nga lokomotiva gjigante. Vete deshmitare okulare te kesaj ngjarjeje te rende, thane per gazeten "Korrieri" se pane tmerr me sy, kur kembet e 38-vjecares u keputen te nga hekurat e lokomotives. Menjehere me ane te nje mjeti te rastit ajo eshte transportuar per ne spitalin kirurgjik te Elbasanit, ku i eshte dhene ndihma e pare. Mjeket e percollen Buziun menjehere per ne sallen e operacionit, per shkak se hemorragjia ishte tejet e madhe, si pasoje e demtimit total te gjymtyreve te poshtme te trupit te saj. Gjendja e saj eshte shume e rende dhe mjeket nuk japin shprese per jeten. Mesohet se 38-vjecarja Zylfie Buziu, po kalonte nje gjendje depresive, si pasoje e gjendjes se veshtire ekonomike te familjes. Te afermit e saj mberriten te tronditur ne dyert e repartit kirurgjikal, nderkohe qe gruaja fatkeqe po i nenshtrohej nje nderhyrjeje te gjate kirurgjikale per t'i shpetuar jeten. Burime nga policia bejne te ditur se eshte konfirmuar fakti se gruaja tentoi t'i jepte fund jetes ne kete menyre tragjike, e se ngjarja nuk ishte aksidentale. M. Kasemaj