OBSH Bakteria e E. Kolit nje forme krejt e re
Organizata Boterore e Shendetsise tha se perhapja vdekjeprurese e bakteries se E Kolit nga e cila kane vdekur 18 evropiane eshte nje forme e re qe nuk eshte pare ne te kaluaren. Viktima e 18-te vdiq mbreme ne Gjermani. Njoftimi i OBSH-se u konfirmua edhe nga mjeket gjermane.
Mjeket ne spitalin e Universitetit Hamburg thane se bakteria e E. Kolit qe ka shkaktuar vdekje ne Gjermani nuk eshte pare asnjehere te shpertheje ne semundje duke konfirmuar keshtu njoftimin e Organizates Boterore te Shendetsise.
Ne jemi ne gjendje te percaktojme se kjo eshte nje bakterie e re nje version patogjeni i pa pare ne te kaluaren. Ne te ardhmen do te jemi ne gjendje te percaktojme rezultate te ndryshme tha bakteriologu Holger Rohde gjate nje konference shtypi.
Zyrtaret gjermane te shendetsise thane se infeksionet qe kane shkaktuar vdekjen e 18 njerzeve dhe semurjen e mbi 1 mije e 500 te tjereve ne 8 vende evropiane mund te vazhdojne per muaj te tere dhe burimi i tyre i sakte mund te mos gjehet kurre.
Gjendja e disa pacienteve po permiresohet tha specialisti i veshkave Rolf Stahl por kemi 30 deri 40 perqind te pacienteve qe jane ende ne gjendje te rende dhe nen kujdesin intensiv.
Mjeku Stahl tha se dy paciente dy gra te moshuara mbi 80 vjecare vdiqen gjate 24 oreve te fundit.
Rreth 25 perqind e rasteve te reja kane lidhje me nje komplikacion serioz qe vjen si pasoje e infeksionit nga bakteria e E. Kolit qe prek gjakun dhe veshkat njoftoi dje Instituti i Gjermanise Robert Koch per kontrollin e semundjeve.