OBSH përshpejton shpërndarjen e vaksinave
Organizata Botërore e Shëndetësisë ka përshpejtuar shpërndarjen e vaksinave kundër virusit A H1N1 në më shumë se 25 vende në zhvillim, gjysma e të cilëve janë vende afrikane.
Zëdhënësi i Organizatës Botërore të Shëndetësisë, Gregory Hartl, tha se kjo organizatë ka marrë kërkesë nga 95 vende për vaksinën. Ai tha se agjencia planifikon të dërgojë miliona doza, ku çereku i tyre do të shkojë në vendet e Afrikës, Amerikës Qendrore dhe Europës Lindore.
Mongolia, Azerbajxhani dhe Afganistani ishin vendet e para që morën vaksinat. Të enjten, Togoja u bë vendi i parë afrikan që mori ngarkesën e parë me vaksina. Hatl tha se do të nisen vaksina dhe në Nigeri, Kenia dhe Afrikën e Jugut.
Ai tha se çdo vend duhet të jetë i gatshëm që të imunizojë 10% të popullatës, ku përfshihen dhe grupet më të rrezikuara, si punonjësit e shëndetësisë, gratë shtatzëna dhe fëmijët e vegjël.
Zëdhënësi i Organizatës Botërore të Shëndetësisë, Gregory Hartl, tha se kjo organizatë ka marrë kërkesë nga 95 vende për vaksinën. Ai tha se agjencia planifikon të dërgojë miliona doza, ku çereku i tyre do të shkojë në vendet e Afrikës, Amerikës Qendrore dhe Europës Lindore.
Mongolia, Azerbajxhani dhe Afganistani ishin vendet e para që morën vaksinat. Të enjten, Togoja u bë vendi i parë afrikan që mori ngarkesën e parë me vaksina. Hatl tha se do të nisen vaksina dhe në Nigeri, Kenia dhe Afrikën e Jugut.
Ai tha se çdo vend duhet të jetë i gatshëm që të imunizojë 10% të popullatës, ku përfshihen dhe grupet më të rrezikuara, si punonjësit e shëndetësisë, gratë shtatzëna dhe fëmijët e vegjël.