OSBE: Partite shperfillin aspiratat e qytetareve Rozeta Rapushi
Prezenca e OSBE-se ne vendin tone alarmohet per indiferencen e forcave politike per te mos respektuar Kodin Zgjedhor per te dorezuar emrat e komisionereve per zgjedhjet lokale te 8 Majit, duke akuzuar partite politike per shperfillje te hapur per aspiratat demokratike te qytetareve shqiptare. Tashme pergjegjesia bie vetem mbi forcat e majta politike opozitare, te cilat, nuk kane dorezuar asnje emer te anetareve te tyre ne Komisionet Zonale te Administrates Zgjedhore, duke penguar keshtu qe Komisioni Qendror i Zgjedhjeve te mos ngreje brenda afatit te 66 komisionet vendore. "Jam jashtezakonisht i shqetesuar ne lidhje me problemet qe po has aktualisht KQZ-ja. Nga 66 Komisione te Zonave te Administrimit Zgjedhor, vetem 12 prej tyre jane ngritur pjeserisht brenda afatit te 7 shkurtit 2011. Nje situate e tille tregon nje shperfillje te hapur per aspiratat demokratike te qytetareve shqiptare nga partite politike", u shpreh dje Ambasadori i OSBE-se, Eugen Uollfarth. Sipas tij, forcat politike duhet te respektojne ligjin por edhe te drejten qe kane qytetaret per te votuar. Thirrja e Uollfarth, behet ne nje kohe ku Partia Socialiste dhe ajo Bashkimi per te Drejtat e Njeriut, nuk kane dorezuar as edhe nje emer ne KQZ, per perberjen e komisioneve, duke mos mundesuar ngritjen e tyre. "Une u bej thirrje partive politike te respektojne te drejten e qytetareve per te votuar dhe per ta adresuar kete ceshtje ne menyre te menjehershme, pasi dita e zgjedhjeve po afron", theksoi Uollfarth. Madje duke shkuar me tej, Uollfarth theksoi se partive politike duhet t'i dorezojne urgjentisht Komisionit Qendror te Zgjedhjeve (KQZ) propozimet e kerkuara per anetare te Komisioneve te Zonave te Administrimit Zgjedhor, me qellim pergatitjen sic duhet te zgjedhjeve per qeverine vendore. Ai theksoi se "ne baze te Kodit Zgjedhor dhe te dekretit te Presidentit te Republikes, KQZ-ja duhet te vazhdoje urgjentisht me te gjitha pergatitjet e nevojshme per zgjedhjet e planifikuara per 8 maj 2011". Si dhe vuri ne dukje se asnje nga partite politike nuk ka arritur te permbushe afatin zyrtar te 24 janarit 2011 per dergimin e propozimeve per anetare te komisioneve zgjedhore. Ky eshte apeli i dyte brenda pak diteve qe ambasadori i OSBE-se, u ben thirrje forcave politike, per te permbushur detyrimet e tyre ligjore. Por pavaresisht ketij fakti, duket se forcat e majta politike, nuk do te reagojne per te dorezuar emrat e komisionereve te tyre qe u takojne me ligj. Cka pengon ngritjen e plote te Komisioneve Zonale te Administrates Zgjedhore. ne baze te ligjit, keto komisione, duhet te ishin plotesuar me anetare brenda dates 7 shkurt. Por brenda kesaj date, emrat u dorezuan vetem nga Partia Demokratike dhe Levizja Socialiste per Integrim.