OSBE/ODHIR: Zgjedhjet në Maqedoni, të lira

Zgjedhjet e djeshme parlamentare në Maqedoni ishin transparente, konkuruese dhe të realizuar mirë në tërë territorin e Maqedonisë. Keshtu thuhet në raportin paraprak të misionit vëzhgues të OSBE/ODHIR, Kuvendit Parlamentar të OSBE-së dhe Kuvendit Parlamentar të Këshillit të Evropës.

“Këto zgjedhje vendosën gurthemelin e stabilitetit demokratik për të ardhmen e vendit”, deklaroi Robert Bateli, koordinator i posaçëm që udhëhoqi misionin vëzhgues afatshkurtër të OSBE-së.

Vëzhguesit ndërkombëtare thanë se në ditën e votimit, qytetarët kishin mundësinë që lirshëm dhe në atmosferë demokratike të realizojnë të drejtën e votimit përkundër parregullsive të vogla të paraqitura nga partitë e caktuara politike.

Procesi i numërimit të votave, gjithashtu vlerësohet si pozitiv ndërsa përshëndetet mes autoriteteve në të gjitha nivelet e pushtetit.
Shefi i misionit afatgjatë të OSBE/ODHIR, Xhulijan Pil Jeits tha se merita për procesin zgjedhor të së dielës u takon votuesve dhe anëtarëve të komisioneve zgjedhore.

Raporti përfundimtar për zgjedhjet pritet të publikohet pas dy muajve.