OSBE/ODIHR rrezon Kolegjin

Tre muaj pas zgjedhjeve lokale që u zhvilluan në Shqipëri, në raportin e fundit të OSBE-ODHIR, të publikuar pasditen e sotme thuhet se proçesi u zhvillua në një mjedis politik që preku krizën pas përleshjeve të fundit mes protestuesve anti-qeveritarë dhe policisë, më 21 janar te vitit 2011 dhe që solli për pasojë vdekjen e katër personave.

Megjithëse zgjedhjet ishin konkurruese dhe transparente, ata ishin tejet të polarizuara me mosbesim mes partive politike në qeveri dhe opozitë.

Si në zgjedhjet e mëparshme, dy partitë më të mëdha nuk kryen detyrat elektorale në një mënyrë të përgjegjshme, duke prekur në mënyrë negative administratën e zgjedhjeve.

Partishmëria dhe debatet therrëse brenda Komisionit Qendror Zgjedhor gjatë përgatitjes për zgjedhje, dobësuan aftesinë e tij për të tejkaluar hendeqet dhe ambiguitetet në Kodin Elektoral, në mënyrë kolegjiale dhe efektive.

Duke iu referuar zgjedhjes së kryebashkiakut të Tiranës, raporti thotë se  vendimi i Kolegjit la në fuqi vendimin e KQZ për të mos ekzaminuar ankesat në bazë të meritës.

Raporti po ashtu nënvizon se Kodi nuk ka proçedurë për votat në kutitë e gabuara, të cilat sollën mosmarrëveshjet.

“KQZ dhe KZAZ nuk kanë respektuar Kodin Zgjedhor. Proçesi zgjedhor shumë i gjatë”, vijon raporti i OSBE/ODIHR.