OSBE/ODIHR vlerësuan sot veprimtarinë e policisë në ditën e zgjedhjeve

Veprimtaria e Policisë së Shtetit në zgjedhjet e përgjithshme të 28 Qershorit në Shqipëri është vlerësuar nga Misioni i Vëzhgues i Zgjedhjeve i OSBE/ODIHR. Zyra e shtypit pranë Ministrisë së Brendshme bëri të ditur sot se në një letër që Trevor Harvey, ekspert i sigurisë pranë OSBE/ODIHR, i ka dërguar Drejtorisë së Përgjitshme të Policisë së Shteti theksohet se “profesionalizmi dhe përkushtimi i treguar nga policia gjatë kësaj periudhe ishte i lavdërueshëm". Sipas z. Harvey "asnjë nga vëzhguesit afatshkurtër dhe afatgjatë që monitoruan procesin zgjedhor në Shqipëri nuk bëri ndonjë raportim të dëmshëm lidhur me aktivitetin e policisë”.