OSCE Shume shkelje ne zgjedhjet ruse
Vëzhguesit ndërkombëtarë lëshuan një raport kritik mbi zgjedhjet parlamentare të mbajtura të dielën në Rusi, duke argumentuar se ishin të shumta shkeljet e vërejtura prej tyre.
OSCE theksoi se disa prej shkeljeve të bëra në favor të partisë së Putin, “Rusia e Bashkuar”, ishin flagrante. Midis parregullsive renditen edhe kuti me më shumë vota se votues.
”Procesi i votimit u shtrembërua në favor të partisë në fuqi. Administrata zgjedhore nuk ishte e pavarur, shumica e mediave ishin jo të bazarpeshuara, ndërsa autoritetet ndërhynë pothuajse në të gjithë nivelet e zgjedhjeve për të fituar favore”, deklaroi të hënën zëdhënësi i OSCE-së, Petros Efthymiou.
Nga ana e tij, presidenti Dimtry Medvedev i cilësoi votimet si të drejta, të ndershme dhe demokratike. Pavarësisht manipulimeve, rezultatet zyrtare treguan një rënie të ndjeshme të mbështetjes për partinë e Putin e Medvedev, që nga 2/3 e preferencave, u ndal në vetëm 50% të votave.
Votimet janë konsideruar nga mediat ndërkombëtare si një testim i madh për popullaritetin e Putinit, i cili ka vendosur që të konkurrojë për president në zgjedhjet e ardhshme presidenciale, në mars 2012.
Sekretarja Amerikane e Shtetit, Hillary Clinton, shprehu “shqetësim të thellë” për të gjithë parregullsitë e shfaqura gjatë procesit zgjedhor.
Nga ana e saj, forca e dytë më e madhe politike në vend, Partia Komuniste, u shpreh se do të sfidojë rezultatet e zgjedhjeve në gjykatë, pasi rezultatet ishin “tërësisht të jashtëligjshme”. Vetë komunistët ishin fituesit e vërtetë të procesit, duke u rritur dukshëm në pothuajse 100 deputetë, nga vetëm 54 që mbanin në legjislacionin e mëparshëm, në Dumën me 450 vende.
I vetmi grup i pavarur monitorues rus, Golos, regjistroi 5 300 ankesa për abuzime gjatë zgjedhjeve.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
PS, taksat për pagat
Kodheli: E përshkallëzuar, deri në 20 mijë lekë asnjë detyrim
Shefi i CEZ, pagë 66 mijë euro
Harta e pasurive nëntokësore
Nga janari, buka me vitamina
Video Meta-Prifti, dëshmojnë biznesmenët