OSSH Rritja e cmimit e domosdoshme per kompanine
Ne tabelen e re me tarifat e energjise elektrike OSSH ben edhe nje analize te rritjes se cmimeve dhe rendesia qe mbart nje ndryshim i tille per planet e te ardhshmes. OSSH ka bere nje kerkese prane Entit Rregullator te Energjise ERE per rritjen e cmimit te energjise me 11.92 per qind. Llogaritja behet bazuar ne konceptin e mbulimit te kostove reale te kompanise. Synimi yne eshte te arrijme ne nje situate ku OSSH nuk do te kete nevoje te rrise cmimet bazuar ne kostot me te larta te kompanise. Kjo mund arrihet te menaxhohet shpejt por vetem nepermjet ndryshimeve dhe permiresimeve masive ne operacionet e kompanise dhe investimet e saj deklaron zyrtarisht CEZ. Ne fund te 2009 CEZ pasi u be aksioneri me i madh i OSSH-se investoi 3.9 miliarde leke. Ne 2010 programi i investimeve ne vazhdim ka nje volum prej 4.5 miliarde lekesh dhe lista e investimeve per vitin 2011 arrin shumen e rreth 4.9 miliarde lekeve. Edhe plani i investimeve duhet miratuar nga ERE dhe eshte shume e rendesishem si proces pasi cdo investim i kerkuar nga OSSH perkthehet ndryshe si kerkese per rritje tarife.