OVL paralajmëron protestë

Pas protestës së mbajtur në Autostradën “Ibrahim Rugova” kundër arrestimit të deputetit Fatmir Limaj, tani edhe bashkëluftëtarë të tjerë do të protestojnë kundër këtij arrestimi.

Organizata e Veteranëve të Luftës së UÇK-së, Shoqata e Familjeve të Dëshmorëve të UÇK-së dhe Shoqata e Invalidëve të Luftës së UÇK-së, kanë bërë të ditur se do të mbajnë protestë kundër arrestimit veteranëve të luftës në rastin "Kleçka".

Sipas drejtuesve të këtyre organizatave, kjo protestë do të mbahet në Prishtinë./Indeksonline/