Obama dhe Karzai diskutojnë për sulmet e brendshme

Presidenti i Shteteve të Bashkuara, Barak Obama, ka mbajtur një video konferencë me homologun afgan, Hamid Karzai.
 

Biseda është fokusuar pjesërisht në “përpjekjet për të frenuar sulmet e brendshme ndërmjet koalicionit të SHBA-së dhe forcave afgane”.
 

Këtë vit, të paktën 51 trupa ushtarake të huaja kanë humbur jetën nga sulmet e tilla, në të cilat forcat lokale kthejnë armët kundër ushtarëve perëndimorë.
 

Në anën tjetër, zëdhënësi i Obamës, Xhej Karni, ka hedhur poshtë thirrjen e tre senatorëve amerikanë – Xhon Mekejn, Llindsi Graham dhe Xho Liberman, për një “pauzë strategjike”, për të vlerësuar ndikimin e vrasjeve.
 

Shtëpia e Bardhë tha se Obama dhe Karzai kanë diskutuar po ashtu nevojën për përmbajtje nga trazirat, që ka shkaktuar filmi anti-islamik, i prodhuar në Shtetet e Bashkuara.