Olldashi-Montobio, inagurojnë investimet spanjolle në Vorë
bën të ditur se gjatë ceremonisë së inaugurimit ishin të pranishëm Ministri i Punëve Publike dhe Transportit, Sokol Olldashi, Ambasadori i Spanjës, Manuel Montobbio dhe kryetari i bashkisë së Vorës, Fiqiri Ismaili. Investim prej 20 milion lekë përfshinte rehabilitimin e sipërfaqeve të gjelbra në qytetin e Vorës, ripyllëzimin e kodrave me 2700 ullinj në zonës e Gërdecit si dhe pajisjen laboratorike të 5-së shkollave të kësaj zone. Gjatë inagurimit ministri Olldashi u shpreh se, ky është një tjetër hap përpara në përmasimin e jetës së qytetarëve të Vorës. Sipas Olldashit qeveria shqiptare i kushton këtij qyteti një vëmendje të veçantë pasi e konsideron një qendër urbane mjaftë të rëndësishme në kryqëzimin e rrugëve kryesore të vendit. Gjatë mandatit tonë qeverisës kemi investuar në të gjithë infrastrukturën dhe shërbimet komunitare të kësaj bashkie, duke filluar nga infrastruktura rrugore, ajo e ujësjellës kanalizimeve dhe shkollat. Do të vazhdojmë ta bëjmë këtë me financime të buxhetit të shtetit dhe do të kërkojmë dhe vëmendjen e partnerëve tanë ndërkombëtar ndaj kësaj zone, e cila është në rritje dhe zhvillim të vazhdueshme dhe përbën një qendër urbane të rëndësishme për vendin, tha Olldashi. Sipas tij Investimet e bëra nga qeveria spanjolle i japin një tjetër dimension urban këtij qyteti, investime të cilat do të vazhdojnë të bëhen nga qeveria shqiptare, siç është nyja e Vorës, që do të shpëtoj Vorën nga trafiku i përminutshëm i autostradës Tiranë- Durrës. Një rol të rëndësishëm në këtë drejtim luan edhe nisma e bashkisë së Vorës me mbrojtjen akustike, që do ti jap qytetit mundësinë që mos të ndjejë dhe të mos afektohet nga zhvillimi i aksit rrugor Tiranë Durrës. Nga ana tjetër Ambasadori spanjoll Montobbio u shpreh se ky investim synon përmirësimin e infrastrukturës së qytetit të Vorës pas ngjarjes së 18 marsit.