Olldashi: Topi, presion drejtesise per te demtuar dy ministra
Ministri i Transporteve, Sokol Olldashi, denoncoi dje ne emisionin "Opinion" te gazetarit Blendi Fevziu, se Presidenti Bamir Topi i beri presion drejtesise per te demtuar dy ministra. Duke diskutuar mbi presidencen e drejtuar nga Topi, Olldashi tha se ai ndikoi per demtuar ministrat e mazhorances qellimisht para fushates elektorale. "Por nuk ka gjyqtare qe te merrte persiper nje gje te tille per dosje qe jane mbyllur, sepse nuk kishte asnje arsye pse te mos mbylleshin. Ne nuk e kemi problemin se pse Topi tradhtoi Partine Demokratike. Problemi eshte pse zoti Topi perdori institucionin e presidences si mjet politik? Refuzoi te konsultohej me Kuvendin dhe ktheu ligje te mazhorances pa argumente", - u shpreh Olldashi. Sipas tij, ne asnje rast qe pas deklaratave te mbeshtetesve te tij per krijimin e nje force politike, Presidenti nuk e ka kundershtuar nje gje te tille, per te respektuar institucionin e presidences. Ndersa duke folur per Keshillin e Larte te Drejtesise, i drejtuar nga Presidenti i Republikes, Ministri Olldashi tha se Topi ka shkelur Kushtetuten ne KLD dhe nuk ka lejuar praktika transparente. Ai permendi bllokimin qe beri kreu i shtetit zgjedhjes se anetareve ne momentin qe konstatoi se mazhoranca nuk ishte e prirur qe t'i kthente emerimet ne KLD ne pazare. "Ekspertet e Bashkimit Europian ne raportet e tyre, permendin institucionin e Presidentit te Republikes dhe e lidhin ate me afera korrupsioni e ryshfeti", - vijoi akuzat Olldashi, i cili shtoi se nje nder to eshte fakti se Topi ftoi grupet e interesit, Dhomen e Avokateve, shoqatat e gjyqtareve etj., per te caktuar kriteret per zgjedhjen e anetareve te Gjykates se Larte dhe asaj Kushtetuese, por kriteret nuk i zbatoi ato. Po keshtu, edhe Ylli Manjani duke reaguar ashper ndaj presidences se Topit, tha se kreu i shtetit ka futur genjeshtren si standard. "Bamir Topi e mohoi edhe voten e dhene ne zgjedhjet lokale, tha nuk isha une ai qe isha. Pas kesaj ndodhi incidenti me Ambasaden e Kosoves, qe pergenjeshtroi deklaraten e vet brenda 24 oreve. Ky njeri eshte mosmirenjohes dhe ka vendosur standardin e genjeshtres", - akuzoi Manjani.