Olldashi ne gare per kreun e PD Rozeta Rapushi

Ashtu sic pritej, deputeti i Partise Demokratike, Sokol Olldashi, hyn ne gare per postin e kreut te kesaj force politike. I lakuar shume si emer i mundshem per tu perfshire ne gare se bashku me kryetarin e Bashkise se Tiranes, Lulzim Basha, Olldashi shpalli dje zyrtarisht nga selia blu, kandidaturen e tij. “Pas shume e shume takimesh me perfaqesues te institucioneve bazike te Partise Demokratike dhe pas nje takimi qe kam zhvilluar dje me kryetarin, Sali Berisha, i jam drejtuar sot Kryesise se Partise me kerkesen per regjistrimin e kandidatures per garen e shpallur per funksionin e Kryetarit te Partise Demokratike, parti ku une militoj prej 23 vjetesh”, - u shpreh Olldashi, duke theksuar keshtu pranine e tij ne kete force politike nga krijimi i saj e deri me sot ne menyre te vazhdueshme. Olldashi theksoi se hyn ne kete gare me deshiren per te perfaqesuar militantet e partise, anetaret e Partise Demokratike por edhe ata qe jane pjese e opozites qe kjo parti ka zhvilluar ne vitet 1997-2005 dhe pjese e arritjeve madhore te qeverise se kesaj partie ne vitet 2005 e deri me sot. “Hyra ne gare me vendosmerine per te fituar pergjegjesine e perfaqesimit te 100 mije anetareve te Partise Demokratike dhe me synimin per te rindertuar themelet morale mbi te cilat bashke me ta do te ngre opoziten sot per tu rikthyer shumice neser”, - u shpreh Olldashi, ende ne detyre si minister i Transporteve. Ai theksoi gjithashtu se hyn ne kete gare pasi beson se proceset zgjedhore nuk jane pazare. “Sepse besoj se proceset zgjedhore nuk jane pazare, dhe se shumica e shqiptareve ende besojne ne moralin dhe me idene per te cuar vendin perpara”, - nenvizoi deputeti demokrat. E premtja eshte afati i fundit i depozitimit te kerkesave per regjistrimin e kandidateve, ne garen e hapur pas doreheqjes se kryetarit, Sali Berisha.