Operacion asgjësimi në Elbasan, digjet heroinë dhe kanabis sativa

Elbasan- Në bazë të dy vendimeve të formës së prerë nga Gjykata e Krimeve të Rënda dhe dënimit të personave përgjegjës, sot në Elbasan janë asgjësuar, duke u djegur një sasi prej më shumë se 7 kg heroine dhe 17 kilogramë kanabis sativa.

Prokurori i Krimeve të Rënda, Njazi Seferi, që kryeson komisionin e asgjësimit të lëndëve narkotike pas vendimeve të prera ka drejtuar komision për shkatërrimin e 7 kg e 345 gramë heroinë dhe 17 kg e 850 gramë kanabis sativa.

Sasia e drogës nuk mund të përdorej më si provë materiale, sepse vendimet u morën dhe duhet të asgjësohej lënda narkotike që mbahej nga Prokuroria e Krimeve të Rënda.

Asgjësimi u bë në afërsi të lumit Shkumbin, në perferi të Elbasanit, larg zonave të banuara. U hap, u përdor naftë për ndezje dhe u dogj në prani të një komisioni të ngritur për këtë qëllim.

Djegia e drogës u bë pas ekzekutimit të vendime nga Gjykata e Krimeve të Rënda të formës së prerë. Vendimi i parë ishte për dënimin e dy shtetasve maqedonas, burrë e grua të kapur në maj të vitit 2007 me një sasi prej 7 kg e 345 gramë heroinë. Ata janë Sadedin Elezi dhe Nurifer Elezi, burrë e grua, që u dënuan i pari dënuar me 11 vjet dhe 10 vjet heqje lirie.

Vendimi tjetër ishte pas dënimit të tre shtetasve për një sasi prej 17 kg kanabis sativa. Droga u kap në 6.7 2005, në Rrajcë të Librazhdit, ku po përpiqeshin të kalonin një sasi droge shtetasit, Lulëzim Çollaku, dënuar me 6 vjet, Elton Halili, dënuar me 5 vjet dhe Hasan Çollaku, dënuar me 3.4 vjet burg. Këta shtetas po tentonin të nxirrnin drogën nga Rrajca në drejtim të Maqedonisë përmes kufirit tokësor.