Operatoret e transportit publik, te tregtojne abone, pa kartonin shoqerues

Bashkia e Tiranes, ka urdheruar te gjithe operatoret e transportit publik ne kryeqytet, qe te tregtojne abonete pa kartonin shoqerues. Ky vendim i Bashkise ka ardhur per t’i dhene fund informalitetit ne shitjen e aboneve ne vend, si dhe per te shmangur perplasjet e herepashershme me operatoret e transportit publik. “Bashkia permes nje shkrese te derguar me date 29.10.2012 u ka kerkuar te gjithe operatoreve te transportit publik, qe te tregtojne abonente pa kartonin shoqerues. Kjo, pasi mosmarreveshjet mes vete operatoreve kane shkaktuar probleme ne tregtimin e aboneve, kostoja e te cilave binte mbi vete qytetaret. Per kete arsye dhe mbeshtetur ne faktin qe abonete e tregtuara nga Drejtoria e Tatim-Taksave kane te gjithe elementet e nevojshem te sigurise, u vendos heqja e kartonit shoqerues te aboneve”, behet e ditur ne njoftimin per shtyp te Bashkise se Tiranes. Me tej, Bashkia sqaron se ka qene dhe mbetet e gatshme te dialogoje me te gjithe operatoret e transportit publik, per te ndermarre cdo hap qe forcon luften kunder informalitetit. “Nga ana tjeter, nuk mund dhe nuk do te pranojme asnje hap te njeanshem qe bie ndesh me interesat e konsumatorit. U bejme thirrje operatoreve te transportit publik, t’i rikthehen praktikes se aprovuar ligjore dhe kontraktuale, pasi ne te kundert do te perballen me sanksionet e percaktuara ne kushtet e kontrates, deri ne revokimin e licences se operimit”, shkruhet ne njoftimin e bere publik nga Bashkia e Tiranes.