Opozita kunder ambasadoreve: Te kthehen ne shtepi Qamil Xhani

Opozita e Bashkuar ka bere dje sulmet me te ashpra ndaj faktorit nderkombetar ne vend. Kryetari i Partise Ligj dhe Drejtesi, Spartak Ngjela, ne nje deklarate skandaloze nga selia e Opozites se Bashkuar, u shpreh se ambasadoret po marrin perbuzjen e shqiptareve, me deklaratat e diteve te fundit. Ngjela iu eshte referuar qendrimeve publike te ambasadorit amerikan Aleksander Arvizu dhe atij te OSBE-se Eugen Uollfarth, dite me pare. Sulmi tipik komunist ka shtangur qytetaret shqiptare, teksa Spartak Ngjela duke folur ne emer te opozites, kerkoi debimin e diplomateve nderkombetare. "Ju sugjeroj ambasadoreve qe kane dale me papergjegjesi neper Shqiperi, se po marrin perbuzjen e shqiptareve. Kurre te mos iu shkoje mendja se shqiptaret jane qytetare te rangut te dyte. Jane shoqeri me 2.300 vite qyteterim dhe demokracine e kane prone te tyren e nuk ia leshojne askujt. Nese nuk duan te fitojne perbuzjen e shqiptareve, le te futen ne shtepite e tyre, ashtu sic bejne ne vendet e tjera te botes. Shqiptaret votojne per demokraci me vullnetin e tyre dhe nuk ka, eshte mendjelehtesi te mendojne, se do t'i bindin ata per te kunderten. aq me teper per nje bande tiranike si kjo qe qeverise",-tha dje Ngjela. Ambasadoret e SHBA-se dhe OSBE kane bere apel gjate diteve te fundit per pjesemarrje ne zgjedhje dhe respektimin e standardeve demokratike. Keto deklarata jane interpretuar nga opozita si nderhyrje, ne prag te fushates elektorale. Ngjela u ka bere thirrje ambasadoreve te larte qe te mbajne vendin e tyre, duke mos u implikuar politikisht gjate takimeve te tyre, ne zona te ndryshme te vendit. Gjate diteve te fundit edhe drejtues te tjere te larte te Partise Socialiste dhe opozites kane shprehur rezerva per deklaratat e ambasadoreve te akredituar ne Tirane, kryesisht atij te OSBE. Nga ana tjeter kreu i PLD-se dhe perfaqesuesi i opozites, eshte ndalur dhe ne vazhdimin e protestave. Ai u shpreh se opozita do te demonstroje forcen e saj gjate gjithe fushates elektorale per zgjedhjet lokale. Kjo force fushate, sipas kreut te PLD-se do te beje qe qeveria te kuptoje se ka ardhur koha qe te largohet nga pushteti. Nga ana tjeter ai ka theksuar se kjo forme fushate do te sjelle dhe zgjedhjet e parakohshme. "Duke filluar nga dita e pare e fushates elektorale dhe deri ne rrezimin e kesaj qeverie dhe vendosjen e zgjedhjeve te parakohshme politike, ne do te bejme nje demonstrim te forces popullore ne sens demokratik, per te treguar te gjitheve se demokracia do te triumfoje ne Shqiperi dhe se nuk mund te vazhdohet me me tirani bastarde si kjo qe ekziston dhe qe duhet rrezuar sa me pare", tha dje Ngjela ne nje konference per mediat.

Ambasadoret

"Ju sugjeroj ambasadoreve qe kane dale me papergjegjesi neper Shqiperi, se po marrin perbuzjen e shqiptareve. Kurre te mos iu shkoje mendja se shqiptaret jane qytetare te rangut te dyte. Jane shoqeri me 2.300 vite qyteterim dhe demokracine e kane prone te tyren dhe nuk ja leshojne askujt. Nese nuk duan te fitojne perbuzjen e shqiptareve, le te futen ne shtepite e tyre, ashtu sic bejne ne vendet e tjera te botes",-tha dje Ngjela.

Demonstrata

Kreu i PLD-se ka zyrtarizuar dje qendrimin e opozites per te mos zhvilluar nje fushate te zakonshme zgjedhore. Pergatitjet e PS-se per fushaten lidhen me organizimin e protestave ne te gjitha qytetet e vendit. Ky reagim vjen pas qendrimit te opozites se vendi nuk eshte ne situate normale dhe se zgjedhjet nuk mund te zhvillohen normalisht. Njeheresh Ngjela, sikurse kryetari i opozites eshte shprehur se keto zgjedhje jane politike.