“Ora e Tokës”, thirrje për fikjen e dritave 60 minuta

Sot është “Ora e Tokës”. 

Një prej nismave më të mëdha mjedisore në botë, ajo fton njerëzit në të gjithë globin të bashkohen në orën 20:30 duke fikur dritat dhe çdo pajisje elektrike jo të domosdoshme për 60 minuta, në shenjë sensibilizimi ndaj ndryshimeve klimatike dhe mbrojtjes së mjedisit.

Duke sjellë në vemendje këtë nismë në rrjetet sociale Ministrja e Turizmit dhe Mjedisit Mirela Kumbaro u bëri ftesë qytetarëve shqiptarë të bashkohen.

“Secili në shtëpinë e tij, të gjithë bashkë për mjedisin”, shkruan zonja Kumbaro në rrjetet sociale.

/ rtsh.al /